zuhaitzetik zintzilik

aht-aren kontrako ekintza abiatu dute Itsasondon.

tokiko.tv-k erreportaia burutu du.

L´art du shakuhachi

Nire eskutara iritsi zen disko bat ta ikaragarri gustatzen zait. Shakuhachi japoniar txirula da, bambuzko txirula tradizionala. Beste nonbaitera eramaten dizu haren soinuak, bidaia batean. Badu zeozer mistikoa, metafisikoa!

Gogoratzen dut nola jo zidan bere garaian Cyclo filmak. Tran Anh Hung da zuzendaria. Pelikula bortitz xamarra da, baditu bere argilunak, baina zoragarria da. oso poetikoa. Ba film horretako musika -orokorrean zuzendari honen pelikulek sekulako musika dute- txirula musikan oinarritzen da hein haundi batean. Egiten ditu holako trabelling batzuk txirula soinuaz lagunduta.

Japonia eta orokorrean Asiako alde haietan oso erabiliak dira gisako txirulak.

Benetan merezi du hor barna diskoren bat bilatzea.

ura

ur

ura

urak

urakadak


urean dago jatorria

uretik gatozen heinean

itsaso sakonaren urak gure barnean

(maria gora maria behera)

itsaskadak,

sexukadak,

urakadak


zurrunbilo indartsutan gatoz gora

zurrunbilo bortitzetan gatoz behera


ura,

U

"URARDOTU"

hitz polita inondik ere.

ez nuen ezagutzen.

Cyrano de Bergerac pelikula originalean, 1950 ingurukoa,

momentu batean esaten dio dama desiratuak elemento desiratzaileari:

-Txanpaina eskatu eta urardotua ematen didazu!!

A

ABEGIA

begiari lotua dagoen espazioa

bertan, espazio hortan, norbait onartzea

ABURUA

buruari lotua dagoen espazioa

bertatik iritzi bat ematea

ABIHOTZA

bihotzari lotua dagoen espazioa

bertan, espazio hortan, norbait izatea


AHOA edo ABA

ahotsari lotutakoa

bertatik gure a,e,i,o,u guztiak

gure hitzak

.... ez daitezela galdu....

coldcut - poesia musiko-bisuala

non-sense

ingelesez asko erabiltzen da. nonsense... zentzugabekeria.

Nire amonak asko esaten du. Nik uste nuen katalanezko hitza zela. "Nonsas" edo. Izan ere mixtura ederra dugu familian, ta atton-amonen etxean katalana eta ingelesa erabiltzen dira bata bestearen atzetik.

Duela gutxi konturatu nintzen non-sense hori ingelesezkoa zela. Pentsa!

Bada katalanez hitz polit bat ere. "Romansus". Pitokeriak. Romantzeak? jeje.

Ba niretzat nonsas eta romansus ekibalenteak ziren. Zer diren gauzak.

kurtso politiko berria

kurtso politiko berria hasi da.

Unamuno-k bazuen nobela edo nibola bat, "Niebla".

Pixkat hura dakarkit gogora egoerak. Behelainoa, lanbroa.

GARAk analisi zorrotza egin du, bere adituen eskutik, mugimendu politiko bakoitzak aurrean dituen erronketaz. Analisi zorrotza ta sakona. Irakurtzeko modukoa.

hemen ezker abertzalearen ingurukoa

Lanbro honen erdian badirudi behintzat bakoitzak bere bidea argitzen duela, nahiz eta axalera ez den asko ateratzen oraindik. Bide horretan euskal sindikatuak bateginik ikustea pozgarria da. Izan dadila beste mugarri askoren lehena!

Bestetik, esperantzara kondenatuta gauden heinean, Europar testuinguruan haize berriak dabiltza; Eskozia, Katalunia, ....

Itxaropentsu nago ni. Poesia idazten hasi naiz berriz, eta gai hauek egokiak dira poesiarako. Izan ere, polipoesia-k (poesia politikoak, jakina), eskeintzen ditu uneak eta guneak hausnarketarako. Animatuko naiz zeozer hemen sareratzen.

Oraingoz hori: saiak dabiltzan badietan zai. Bake justuaren trainerua portura noiz sartuko...

gora blogspotak!!!

egia esan nahiko atzean utzi dut emule ta ares pogramak erabiltzeko garaia. orain edozein gauza lortzeko blogspotaren bidea erabiltzen dut. erraza da: nahi dugun hura idatzi (adibidez erykah badu live) + "blogspot" idatzi google bilatzailean . normalean norbaitek zintzilikatu du dagoeneko bere blogean. hortaz pirateo nahiko garbia da.

asmo horrekin bi helbide interesgarri:

http://www.discos29.cl/

bildumatxo bat da disko oso mitikoekin. txile aldetik egina.


euskal herrira etorrita ekaitzaldik kriston aukerak eskeitzen dizkigu euskal diskografietan murgiltzeko.

http://ekaitzaldi.blogspot.com/

MENDABELARRA - DJ URA

MENDABELARRA  by  dj-ura

HEMEN DUZUE NIRE SESIO BAT. DJ URA BEZELA GAUZAK EGITEN ARI NAIZ, BAINA EZ DUT AURKITZEN TARTEA 10 KANTU BILDU TA DISKO BAT EGITEKO. AGIAN UDAZKEN HONETAN BAI.

BITARTEAN DISFRUTATU SESIO HAU. HIPHOP-AMBIENT-FREEJAZZ NAHASKETA BAT DA,

belarri fina edukitzen duenak errekonozituko ditu loop eta sample batzuk.

ON EGIN!!

BALDIN BADA

BALDIN BADA Irungo talde mitikoa nago entzuten azken boladan. Talde hau nahiko ahaztua geratzen da beti atzera-begirakoetan, blidumetan etabar. Agian jendearen memorian ere bai?

Gure zonaldean jendea nik ez dut asko entzuten Baldin Bada gogoratzen. Agian bai Negu Gorriak, Kortatu, Sorotan Bele, Dut... Bere garaian ere etzeukaten holako oihartzunik, baina jendetxo batek maite zituen. Kontzertutan giro ederra egiten zen.

Diskoak oso onak egin zituzten. Agian azkena niri gutxien gustatzen zaidana da -ERRAIEN IRAULTZA-. Crossover edo rock-funky nahasketa horri ekin zioten.

Niretzat disko honena ezbairik gabe LURRALDE KOLPATUAK da. Bertan egin zuten diskorik borobilena. Rocka bere gordinean, reggea elegantea kantu batzuetan, Baldin Bada-ren estilo mitikoa.

Atzerago joaz, BALDIN BADA diskoak ere une oso onak zituen. Rockeroa, gogorra, 80ko urteak!!!

Ta lehen diskoraino iritsita, LUR AZPIAN BUKATUKO DUZUE ere oso disko ona da. Agian kantu gogoratuenak daude bertan. Bizi nahi dut ahal baldin bada!!!!

Letretan bikainak ziren. Kitarra zorrotzetan ere indartsuak. Ta sekzio ritmikoan baxua ta bateria ere oso kañeroak.

JETSI HEMEN LAU DISKOAK

GOGORATZEKO MODUKO TALDEA, NIRETZAT BEHINTZAT.

kuma: historia del africa negra

Liburu hau Ferran Iniestak idatzia da duela urte batzuk. Benetan interesgarria da, zeren ta 280 orrialdetan afrika-ren historia guztia jasotzen du, historiaurretik gaur egun arte. Hori lortzeko, noski, tarte txikia eskeintzen die pasarte desberdinei. Baina, hala ere, horren kontinente zabalaren historiaren laburpen honetan datu guztiak daude. Atal bakoitzaren sintesi bat egiten da, eta ondotik bibliografia zabala. Hortaz, sakondu nahi duenak eskura ditu argibide bibliografikoak.

Aurreritziz begiratu izan diogu Afrikari. Ezjakintasunak askotan bide ematen dio injustiziari, jakina. Nik adibidez, Historia ikasi nuen eta ez neukan oso ideia argia afrikaren historiaz. Liburu honek asko laguntzen du bide horretan.

ERTZ JAIALDIAN PERFORMANTZEA

GAUR -larunbata 12- Bera-ko kultur etxean egingo den ERTZ jaialdian estreinaldia egingo dugu. ANder LipUS, MirEn GaztañAgA Eta XAbi StrUBell gaude lanean: "ETA NIK ERE SAGAR BAT DARAMAT NIRE BAITAN" du izena.

denok gonbidatuta beraz.


BERA-KO KULTUR ETXEA -BORTZIRI-NAFARROA.
IRAILAK 12 LARUNBATA
GAUEKO HAMARRETAN.

Zertan bihurtu zaigu mundu makur hau

Askotan pentsatzen dut .... (aah bai?)

teleberrietako gure gaizki-sentitzeko-irudien-dosia hartu ta

jarraitzen dugula bizitzen.

Banksy-ren irudi honek hori sugeritzen dit.

Putreak, azkenean.

Grafitiaren historia

Gabriela Berti-k estatu espainiarrean grafitiak izan duen historia jaso du liburu batean. Liburuak "Pioneros del grafiti en España" izena du. Tituluaren jarrera estatalistaz aparte, itxura ederra dauka, eta Hipnotik bartzelonako hiphop festibalean aurkeztuko da.

Grafitiak Euskal Herrian bere bide propioa izan du, herriaren sentimenduen ispilu izan delako. Grafitia politikarekin nahasi denean sortu dira nire ustez emaitza politenak. Azkenean, norbaitek bere izena jartzen ibiltzeak -edo bere sinadura- ba ez dauka horrenbesteko baliorik. Baina grafitia komunikazioari eta herri nahien espresioari lotzen zaionean, funtzio sozial bat izaten hasten da.

http://gabrielaberti.wordpress.com/2009/08/31/pioneros-del-graffiti-en-espana/

Kataluniar kanta herrikoia

La presó de Lleida

A la ciutat de Lleida
n'hi ha una presó,
de presos mai n'hi manquen;
petita, bonica,
prou n'hi porta el baró,
lireta, liró.

Cent i cinquanta presos
canten una cançó,
la nina se'ls escolta,
petita, bonica,
de dalt del mirador,
lireta, liró.

Canteu, canteu, bons presos,
d'ací us en trauré jo,
aniré a veure el meu pare,
petita, bonica,
recaptaré el perdó,
lireta, liró.

Ai, pare, lo meu pare,
jo vos demano un do.
Ai, pare, lo meu pare,
petita, bonica,
les claus de la presó,
lireta, liró.

Ai, filla Margarida,
demà els penjaré tots,
Ai, pare, lo meu pare,
petita, bonica,
pengeu-m'hi a mi i tot,
lireta, liró.

I a cada cap de forca
poseu-hi un ram de flors
perquè la gent quan passi
petita, bonica,
sentin la bona olor,
lireta, liró.

Dena dela egungo egoera....

... ez dago gaizki oroitzea iritsi, iritsi beharko duela bakeak....

...........
..........
.........
.......bake justuak noski.........
......
......