Itxaropena

gaur blaga bloga ireki ta eskubiko barratik arakatzen hasi naiz. bi mezu irakurri ta hara! euskal kantagintzaren egoera penagarria ta gizartearen pasibitate ta krisi ekonomiko-politiko gorria. Aldaketaren beharra, ta derrigorra ere bai. Bi gai desberdin, baina tonu atsekabetuta bietan.

euskal kantagintzaren egoera penagarria

sinistu behar dugu

1980ko hamarkada kalearen hamarkada izan zen. Ta kalean herria nagusi. Aipatzen dute, Iruña edo Bilboko gaztetxeen inguruan bizi zen bor-bor hura. Jendea behar da ez-dakit-zertako! ta ehunka azaltzen zirela jendeak. Diskoak milaka saltzen ziren, izan piratak, maketak, binilo ofizialak. Kontzertuak lepo. Disketxeak perretxikoen moduan ugaltzen.

Batek ez daki zer punturaino batzutan holako aldaketa sozialak goitik datozen (errepresioaren poderioz) edo gizartea bera den manera ta modu berriak "behar" baten gisan sentitu ta bideratzen dituenak.

Musikaz ari gara, baina gizarteaz orohar. Disko gutxi saltzen da, kontzertuetan ere jende gutxi. Non dago jendea? Etxean sartuta? Gune komertzialetan? Krisia aipatzen da, baina zenbat gastatzen dugu mugikorren fakturak ordaintzen. Edo larunbateko irteraldietan?

(uste dut giro pesimista kutsatu zaidala... etzen nire intentzioa!!)

baikor egon beharra dago. Inork ez dezala hil-kanpairik jo euskal musikagintzagatik!!! jarraituko dugu musika sortzen. Hori bai, agian KDa edo CDa da hil dena, (morauk zioena beste egunean Berrian). ta berdin euskal gizartearen -orokorrean- kasuan. Beti agertzen dira argi zirrikituak, pitzadurak, askeago eta guago egingo gaituzten bidexidorrak.

Eredu berriak. Bitarteko berriak. Krisiak (ekonomikoa, politikoa) aukera ematen du sendoago ateratzeko, eredu komunitario berriak eta ideia politiko berritzaileen eskutik. 27Zapatak esaten du kontrol soziala izango dugula zai, noiz edo noiz jendea esnatu eta kalera ateratzen bada. Baina jende uholdea ez dago geratzerik, munduko kamara ta maxina guztiekin ere.

Beraz, aurrera.... ta itxaropena.

postdata:

euskal blogosfera, euskal twitteresfera, euskal myspacesfera, internet orohar...... eredu komunitario berriak???

hausnar dezagun.