ZURA OPORRETAN

ZURA-K aurkezpen biratxoa bukatu dugu. Giro polit askua izan dugu kontzertu guztietan. milesker etorri zareten guztiei!!! baita diskoa erosi duzuenei ere!!!

Orain Diego bateriak utzi egingo du taldea, ta Eñaut Balentziaga (Kabul) hasiko da gurekin. Hortaz, oporraldi bat hartuko dugu martxoa bitarte, diskoa berekin prestatu eta kantu berriak egiteko.

zura + sabina leone biratxoa

Oso gustora ari gara biratxoa egiten. Atzo Tolosan izan ginen, bonberenean. ta jendetxo bat bildu zen. Sabinak kriston ahotsa du, ta giro oso polita sortzen da bere kontzertuetan. Giro liriko ta liluragarria. Gu ere oso gustora, penaz zeren azken kontzertuak ditugu diego bateriarekin. ANimatu zaitezte azken kontzertuak izango baitira berekin:

>OÑATI, abenduak 19 gaztelekuan,

SABINA LEONE + ZURA 22:30


>BILBO, abenduak 20 L´mono. (andres isasi kalea 8, 2. eskubia). 21:30 >>

SABINA LEONE, ZURA, DJ SALDIBROWN, DJ GZK, SELEKTAH STEPI

lehiaketa literarioa

garoa liburu dendak lehiaketa zabaldu du mikrotestuen inguruan.

esporak lehiaketa

lehiaketaren abiapuntua anjel lertxundiren testu hau da, ta bakoitzak jarraipena eman behar dio.

“Orain hogeita bost urte Mariak okerreko autobusa hartu zuen eta, ustez hiri batera zihoalakoan, justu beste puntako batera iritsi zen. Hamalau urte zituen, baina hemezortzi urtetik gorako neska baten itxura. Ez zuen inor ezagutzen, ez zekien hiri jendetsu hartako hizkuntza, bi egunetarako diru doia zuen. Distantzia oro isiltasunaren iturria baita, neskak senideen artera itzuli nahi zuen, ohiko kaleetara, bere hizkuntzaren doinura...”,

Nagi literarioak astintzen

literaturak: abandonatu egin nazu!
neronek: ez emakumia!! lotan nengoen.

behelainoa.

hurrengo eszena:

literaturak: abandonatu egin nazu!!!
neronek: ez!!! nagi literarioak astintzen nago.

(ein?)

bueltaxko bat durangoko azokatik

gaur durangon egon gera zurakoak, teorian diskoak firmatzen. egia esan, ikasleen eguna zen ta ez zegon jende asko egon garen orduan, baina tira, giroa bazegon ta ikusi dugu aurtengo azoka. beti bezala begi-gose ta sakelak ahal baino gehiago etxera ekartzeko gogoz.

nik beiñpen erosi ditut PETTIren azkena, zuzenekoa bonberenean, ta KEROBIAren azkena, ta liburuen aldetik, harkaitz canoren ZINEA ETA LITERATURA (engantxatua pasa dut arratsaldea!) ta sarriren GAU ILUNEKOAK. beraz sorta ederra etxerako.

penaz irakurri nion atzo GARAn ALFONSO SASTREri Hiru argitaletxea ez gonbidatu izana ta haren ingurukoak

Pena y sonrojo

halere, gustora egoten da azokako kaleetan pasiatzen nobedadiak ikusten. hori bai, aukera izatekotan gaztetxean azoka alternatiboa egiten dute.

Atzoa, gaurra, biharra....

Atzoa

Ikusten zaitut
kantutegi zaharretan arakatzen
liburu hautsez beteetan
gure atzoa bilatzen
gure melodiak berreskuratzen
herriaren ondarea berriz altxortuz
gure arbasoen bihotzeko doinuak gaurrera ekartzen

Gaurra

Ikusten zaitut
gure plazak betetzen haize berriz
zure kitarra klasikoa ta zure ondoan elektrikoa
ta kitarra elektriko bat sekula entzun ez duenaren harridura
hizkuntza berriak asmatzen
hitzengandik urruntzean sortzen diren espresabideak haizeratzen
mundua euskaratzen ta euskara munduratzen
poeten hitzei doinuak jartzen

Biharra

Ikusten zaitut
hegaldia hasten
biharra ekartzen
biharra erakartzen
biharraren erak hartzen
biharrarengainoko ibilerak zehazten

Duda-muda itsasotan zialdoka.... IRUÑA-VELEIA

GARA-tik hartua (2008-11-28)

ARANTXA ZABALA ARTOLA HISTORIAN LIZENTZIADUNA, AGIÑALDE KULTUR ELKARTEKO IDAZKARIA

Iruña-Veleia: iruzurra edo euskaldunon historiaren beste enigma?

Kantabriako Altamira kobako labar-pintura paleolitikoen aurkitzailea, Santuola jauna, iruzurgile moduan hartu zuten eta 50 urte igaro behar izan ziren labar-pinturen egiazkotasuna aitortzeko
Harrituta, txundituta eta izututa bizi dut Eliseo Gil eta Iruña-Veleiako bere arkeologo taldeari buruz hedabideek hartu duten jarrera.

Boterean egonda, zein erraza eta merkea den bideak ixtea! Izugarria da hedabideetako hainbat analista eta kazetarik, katedradun eta aditu ofizialen iritziak eztabaidatu gabe nola barneratu eta plazaratzen dituzten ikustea! Beldurgarria da harro agertzen duten espiritu kritiko hori zein hutsala den ikustea!

2006ko azaroan, Iruña-Veleiako ikerketa taldeko kideek grafitoak eta hauen gainean idatzitako euskarazko hitzak, besteak beste, III. eta V. mendeen artekoak direla baieztatu zuten berriro Arabako aztarnategi erromatarreko ikerlariek. Baieztapena berresteko jakinarazpen ofiziala plazaratu zuten Iruña-Veleiako ikerketa taldeko kideek. Eliseo Gil, indusketa zuzentzen zuen arkeologoarekin batera, Idoia Filloy (arkeologoa), Juan Santos Yanguas (Historia katedraduna), Henrike Knörr (euskaltzain eta Euskal Filologia katedraduna), Ruben Cerdan (Fisiko Nuklearra), Emilio Illarregui (arkeologoa) eta Zoilo Callejak (Arabako Elizbarrutiko Ondare arduraduna) sinatu zuten aurkikuntzaren egiaztapen zientifikoaren gainean azalpenak ematen zituen dokumentua.

C14 analisiak (Ingalaterra, AEB eta Holandako laborategi espezializatuetan eginak), termolumineszentzia azterketak (Krakoviako Unibertsitatea, Polonia) eta, batik bat, Frantziako CEA-CNRS espektroskopia nuklearreko laborategietan egindako azterketak izan dira Iruña-Veleiako aurkikuntzen data eta jatorria zehazteko erabili izan direnak.
Hedabideek plazaratu duten iritzi «ofizialaren» aurrean iritzi kritikoago bat lantzeko, hemen hausnarketarako galdera batzuk:

1- Nork dauka galtzeko gehiago aurkikuntzak egiazkotzat jotzen badira?
2- Nork dauka irabazteko gehiago fraude moduan hartzen badira?
3- Zergatik baieztatzen zuen behin eta berriz Henrike Knörr euskaltzain eta Euskal Filologia katedradunak aurkitutako piezen baliozkotasuna?
4- Zergatik adierazten du Lakarra jaunak protoeuskararen oinarriak berrikusteko beharra dagoela? Zer aldatu da orain, oinarri horiek berrikusteko? Iruña-Veleian ikusi duen zerbaitek eragin ote du behar hori, agian?
5- Itsasgarri hondarrak aurkitu direla argudiatu da. Zer pisu dauka horrek 2006ko azaroan plazaratu ziren arkeologia metodo eta egiaztatzeko proben emaitzetan?
6- Zergatik aipatzen dute batzuek «Descartes», eta beste batzuek, berriz, ezeztatu egiten dute, esanez agertzen dena ez dela «d» bat, baizik eta «m» bat?
7- Kantabriako Altamira koban aurkitutako labar-pintura paleolitikoen aurkitzailea, Santuola jauna, iruzurgile moduan hartu zuten eta 50 urte igaro behar izan ziren labar-pinturen egiazkotasuna aitortzeko!
8- Antzerako zerbait gertatu daiteke Iruña-Veleiaren kasuan. Beste 50 urte edo frantziar lurraldean antzerako aurkikuntzak egotea edo protoeuskararen oinarriek aurkikuntzekin bat egitera itxaron beharko dugu egia ezagutu, onartu eta ofizialki aitortzeko?

Atapuercako adituek Sapiens-aren afrikar jatorriaren teoria baztertu dute eta nazioarteko zientzia komunitate europarraren aurrean jatorri euroasiarra babesteko konpromisoa hartua dute (2007ko azaroan, Burgosko Paleoekologia Biltzarrean).
Atapuerca eta Iruña-Veleia, Historiaurrea eta antzinako historia modu desberdin batean interpretatzeko giltzarriak izan daitezke.

Artikulu honen bidez bide bat ireki nahi diogu hausnarketari. Iruña-Veleiako aurkikuntzak mugarri garrantzitsu bat dira euskaldunon historian, euskaldunon historia beste ikuspegi batetik idazten hasteko lehen ezinbesteko oinarria.

Hain erraz utziko al dugu bide hau ixten?

Ama-hizkuntza eta eskola-hizkuntza

Modu libertigarrian egondu naiz 1933 inguruko ika-mikak irakurtzen Xabier Lizardi-ren testu batean. Bere azken testu publikatua izan zen ta "Gure bideko mugarriak" du izena.

Bertan "errez-zaleen" eta "gaitz-zaleen" arteko polemika dauka mintzagai, hau da, euskara herrikoia eta euskara jantzia edo kultoa, eta haien idazketaren inguruan aritzen da.

Hortaz, hiru eredu edo mugarriz mintzo da: "txirrita", "muxika" ta "yauregui". Txirrita zen hiruetan euskara idazteko orduan euskara herrikoiera gehien jotzen zuena.

Lizardik testuaren azkenean hiru lege ezartzen ditu, nolabait ika-mika isteko. "Erriburu" ta "Ikasburu" herri imaginarioetaz aritzen da eraberean. Zenbait pasarte oso dibertigarri ditu testuak gainera.

irakurri hemen: Gure bideko mugarriak

Bada, neronek eskolatik daukat euskara, etxean ezpaikara euskaradunak. Hondarribiko euskara kalean ikasi dut (nahiko baldarki), ta ez dut ikastolan aukera izan berau ikasteko. Honek pentsarazten nau badela belaunaldi bat euskara herrikoiak erabiltzen ez dituena, eskola-hizkuntza, eskola-euskara erabiltzen duena. Gainera, komunikabideek euskara hau erabiltzen dute, (halabeharrez).

Eztabaidak alor asko ikutzen ditu, besteak beste euskarazko filmeetan eta bikoizketan euskara "irreal" edo kamuts xamar bat erabiltzearen eztabaida.

Erantzunik ez ta dudak besterik ez zaizkit etortzen.

"Lauki bat zen" Harkaitz Canoren begietara

Erritmo biziko poema luze honek Allen Ginsbergen HOWL fundazional eta xamaniko hura ekarri dit gogora. Arnasa goitik behera hartzen du, lerroz lerro. Mermeladazko haur esku zikinekin kobazuloko horman margotu zaldi anzestralak harrapatu nahi dituen haur jolastiaren gosea eta begi handiak ikusi ditut poematan. Haurraren arimaz haratago baina, filosofiaz, amarruz eta ehizaz betetako hitzak.

Homo samplerra eta homo wifia helduak dira harpeetara, kobazuloko haizearen ziztuaren loopa gauzatu da: ba omen dira izatez Afrikan Beethovenen bosgarren sinfoniako pasarteak txorrotxiokatzen dituzten hegaztiak… Zer izanen zen lehenago? Beethovenek kopiatu ote zien batere jakin gabe txoriei? Ala oihanaren erdian belarriak gozatzen ari zen misiolari baten gramofonon entzundako Beethoven horri egin zioten txoriek loopa avant la lettre? Asturuaren eta azarraren fruitua ote da kointzidentzia? Batek daki eta gutxi inporta du.

Irakurri liburua

xabi strubell LAUKI BAT ZEN

Veleiako idazkunen inguruan, Berria-ko analisia

Hizkuntzalarien alde

Analisia

ALBERTO BARANDIARAN

Veleiako txostenaren ondorioak zein izango diren igartzeko goizegi da oraindik, baina garbi dago euskal hizkuntzalariak lasai egon daitezkeela. Haiek izan dira zalantzak publikoki agertzera ausartu diren bakarrak. Ez arkeologoak, ez epigrafistak, ez historialariak: Joaquin Gorrotxategi eta Joseba Lakarra izan dira zuhurtasun kritikoa irmoen erakutsi dutenak. Hainbeste aitortu behar zaie.

Ez da erraza izan. Henrike Knorrek euskarazko hitzen benekotasuna defenditu zuen hasieran. Euskaltzainburuordea ez zen edonor, eta behin eta berriro mintzatu zen esaldi eta hitz multzo horien balioaz. Gorrotxategik eta Lakarrak lehen dudak agertu zituztenean, batzuek Knorren alde egin, eta EHUko fakultatea paratu zuten jomugan. Ez zen adituen arteko eztabaida, noski, zaletuen arteko kalaka baizik. Baina hotsak Interneteko foroetan, iritzi artikuluetan, elkarrizketetan zabaldu ziren. Aspaldiko usteak eta teoriak moldatu nahi ez izana leporatu zieten katedradunei. Hau da, erosotasuna.

Neurri batean, sinistu nahi zutenen eta frogatu nahi zutenen arteko borroka izan da. Eta, borroka horretan, zorroztasunaren alde egin dute EHUko irakasleek. Ez bakarrik haiek, noski, baina haiek batez ere. Eta Eliseo Gilen taldeko arkeologoek Europa osoko hainbat laborategitan egindako frogak erakutsi zituztenean ere, ez zuten amore eman. «Ia ezinezkoa da», zioten. Eta Arabako Diputazioak batzordea osatzea erabaki zuenean, han izan ziren hirurak: Knorr, Gorrotxategi eta Lakarra. Knorr aurtengo udaberrian hil zen, baina azken unean atzera egin eta, neurri batean, arrazoia eman zien beste bi hizkuntzalariei.

Orain, ekaitza dator. Euskal Herriko historia ezagutzeko indusketarik garrantzitsuena zipriztinduta dago, eta ardurak argitu beharko dira, eta neurriak hartu. Izango dira marroa euskararen aurka egiteko erabiliko dutenak, baina hizkuntzalariak lasai egon daitezke. Haien eginbeharra, hots zorroztasun kritikoa muturreraino eramatea, ondo bete dute. Zorionez.


NIRE IRITZIA

Pena haundia sortzen dit hasteko ika-mika guztiak. Harrigarria da horrelako gauzak gertatzea! Esan beharra dago alde batetik
publikoak orokorrean tantaka jaso dugula ikerketaren berri, eztabaidaren muinera iristeko datu eta aukera haundirik gabe. Bestetik, jakintsuei euren lana egiten utzi behar zaie. Arraroa da benetan horrelako gauzak gertatzea, gainera ez da lehen aldia. Aurreko batean, labar pinturak izan ziren falsifikatuak izan zirenak. Hortaz, erabateko errespetua hizkuntzalarien lan onari, ta bestetik duda, zein arrayo hasi da indusketa horietan eskua sartzen???

IDATZI-ONDOTIK: duda-mudak

onomatopeiopolis 1

Pirin-paran
doaz egunak ta
totxi-totxi
hasten naiz ikusten
erran-merranek ta
farramalek,
kako-makoek,
pilin-palan bati egiten diotela toki.

pilpira pil-pilean
zapatz egin arte.

piko-mikoei koxk,
uztak purpur
esnea turrustatuta,
ta hitzak farra-farra
ta barra-barra.

pinpirinakeriak su,
tinta-mintak argi,
mama kupelean,
ametsak mara-mara,
poesiak tauki-tauki,
ta tautean-tautean
begi polit batzuk.

biharrean txonbo eginez,
ardo ona xort-xort,
xotuz-xotuz dator biharra.

xuxurlak
xuxu-muxu,
xurdunpan atzera-aurrera,
sagarrondoa yalan-yal
ta burutazioa.. dapa!

orduan afa!!! abija!! aiui!!

orduan,
ñir-ñir...
ttur-ttur...
bor-bor...

zirt edo zart.

Euskal Herria Vsus Euskadi

"Euskal Herria"

wikipediatik atera dut hau:

Euskaltzaindiaren arabera:

Euskaltzaindiak 2004ko uztailan plazaratutako dokumentu batean, honako erabaki hau jakinarazi zuen akademiak [1]:
Gorago adierazi guztiaren argitan, Euskaltzaindiak, zazpi probintzia edo herrialdeen osotasuna adierazteko, Euskal Herria izenaren egokitasuna, zuzentasuna eta zehaztasuna berresten du, eta izen hori ez dela izate politiko administratibo konkretu baten baliokide. Aldi berean, gogorarazi nahi du mendez mendeko tradizio luzeari begirunea zor zaiola, eta inork eta ezerk ez du tradizio hori hausteko edo bere gogara aldatzeko eskubiderik.

Historian zehar:

Joan Perez de Lazarragaren eskuizkribuaren 18. orriaren atzealdea. Ezkerreko ilaran, zazpigarren lerroan behetik hasita, eusquel erriau ikus daiteke.

Terminoa 1567. urtean agertzen da lehen aldiz idatzia, Joan Perez Lazarraga idazle arabarraren eskuizkribuan, eusquel erria formarekin. Hiru aldiz ageri da testu hartan[2]:

beti çagie laudatu
çegaiti doçun eusquel erria
aynbat bentajaz dotadu.
çegayti eusquel errian dira
ederr guztioc dotadu
çeñetan ditut eçautu
eusquel erriau oy nola eben
erregue batec pobladu.

Halaber, Joanes Leizarragaren Testamentu Berrian (1571n argitaratua, Arroxelan):

...bat bederac daqui heuscal herrian quasi etche batetic bercera-ere minçatzeco manerán cer differentiá eta diuersitatea den

Axularrek ere bere Gero liburuaren aitzin solasean darabil, Euskal Herria eta haren zazpi lurraldeak aipatuz:
Ceren anhitz moldez eta differentqui minçatcen baitira euscal herrian, Naffarroa garayan, Naffarroa beherean, Çuberoan, Lappurdin, Bizcayan, Guipuzcoan, Alaba-herrian eta bertce anhitz leccutan.

ZURA disko berria entzun ta erosteko

GOR disketxeak aukera ematen du bere orrian ZURAren disko osoa entzun ta kantaka nahiz osoki erosteko. Diskoaren mp3 bertsioak 6 euro balio ditu.

ZURA diskoa entzun ta erosi

hendrixen hirukotea linboan

hitzik gabe: jimi hendrixen bateria zena hil da ta orain hirurak linboan daude kontzertu paregabea eskeintzen

nire uste apal arro ta ustelean DRUM AND BASSAREN ASMATZAILEA IZAN ZEN

Elkarrizketak

Disko bat ateratzeak zenbait gauza erakartzen ditu, ta haien artian bat elkarrizketak egitea da. Zeregin dibertigarria da ta gainera askotan besteek zure lanaz daukaten eritzia jasotzeko balio dizu. Irrati batzuk gehiago inposatzen dute besteek baino noski, ta hori normalean entzule kopuruak ta irrati bakoitzaren "aura" propioak markatzen dizu. Gaur ta atzo donostiyan ibili naiz elkarrizketak egiten ta bihar bilbora. Entzun nahi baduzute bilbo hiria irratian, bizkaia irratian, ta euskadi irratian (etabar) egongo naiz goiz ta arratsaldez.

ZURA-KO LETRA SORTAK: EUSKAL BOSSA

LOKALEAN LANEAN HASITA TTIPI-TTAPA

BRAZILGO ERRITMO TA DOINUAK AIRIAN

BATERIAREN ERRITMO KUTSAGARRIA

KITARRAREN DOINU ALAIGARRIA


ULUA EO! ULUA EO!


BIDAIEAN GOAZELA ZABALDU DENEI

HONDARTZA BAT DAUKAGULA ZAI

SUTONDOAN DANTZA TA FESTA EGINGO DUGU

MARTXAN DA GURE IÑAUTERI BEROA


ULUA EO! ULUA EO!


entzun kantua ta diskoko beste bost kanta hemen:

www.myspace.com/zuramusika

ENTZUN gure disko berria

HURRENGO ASTEARTEAN DISKOA AURKEZTEN DUGU. aste honetan zehar dendetan egongo da salgai. Bitartean teknologia berriek eskeintzen dituzten aukerak baliatuta, badaude jada ZURAren disko berriaren 6 kanta entzungai myspacen.

espero dut gustatuko zaizuela:

ZURAREN MYSPACEa www.myspace.com/zuramusika

biratxoa primeran doa. atzo beasainen giro oso polita, ta jende nahikotxo. hemen dituzue azaroako datak:

14 ostirala - plateruena Durango (+petti)
21 ostirala - akotz donibane-ziburuko gaztetxea (+xabaltx)
27 osteguna - Iruña- UPNA nafarroako unibertsitatea - arratsaldez
29 doka antiguo donosti

Obama

Goizeko ordu txikitako espektakulua ikusten egon ginen beste egunian etxekoak. Orduen joan-etorria, botuen dantza, baikortasun eta irri prefabrikatuak telebistetan. Orain mundu guztia hasi da pontifikatzen Obama fenomenoaz.

Nik egia esan oso positibotzat jotzen dut zuria ez den batek holako botere gune bat eskuratu izana... etxe zuria gainera!!

Heredentzia zitala uzten dio aurrekoak. Mundua txetuta ta estatubatuarren irudia munduan okerra baino okerragoa. Ezin ahaztu daiteke, izan zela garai bat (oso urrunekoa, XIX. mendea) erreferentetzat erabili izan zena EEBB. Erreferentetzat askatasun politikoetan, eskubideen garapenean, konstituzioen garaia abiatu izana, besteak beste.

Baina Howard Zinn-ek "La otra historia de los Estados Unidos" (Hiru argitaletxeak ateria) argi uzten zigun EEBBen egungo egoera mende oso bateko errepresio krudel baten ondorioa zela. Anarkistak zirela, komunistak, beltzen mugimenduak, etabar. Hain zuzen ere, gobernarien beldur haundienetako bat beltzek eta komunistek bat egitean zetzan. Horretaz, sekulakoak eta bi xahutu zituzten mugimendu horiek estatubatuar gizartearen baitan bat egin ez zezaten. Ezagunagoa den atala errepresio hortan "sorgin ehiza" izan zen, noski, hollywoodeko eta kulturako jende ezagunei zipristindu zielako. Baina pasarte askoz ere "ilunduagoak" daude.

Hala ere, nire hausnarketa nagusiak puntu hauetan bildu ditut:

-hiriek eta hiri bizitzan oinarritutako kulturak irabazi du, estatubatuen bertsio atzerakoi eta nolabait ruralagoaren aurrean. Oso sinbolikoa izan zen hautagai bakoitzak gau elektoralean hautatutako tokia. Arizona Vsus Chicago.

-zabaltzen doazten berrien arabera, Bill Clinton-en gobernualditik askok errepikatuko dute gobernuan.

-Obamak eskuak oso lotuak izango ditu hainbat gaitan.

-Eredu ekonomikoari dagokion arloan ez dut oso berritzailea ikusten.

-Gerrari lotutako eredu ekonomiko hortatik ateratzea oso zaila du.

Hortaz, esperantza badut aro berri bat hasi dela (nire ustean nolabait XXI. MENDEA LETRA LARRIZ HASI DELA, bere ondorio guztiekin), baina aro berri horretatik bakoitzak espero duena eta gerora izango dena dialektika totala izango da.

Lauryn Hillen poema honi atxikiko natzaio nire posizioa nolabait zutarritzeko. Emperors new clothes kontzeptu ia filosofikoari lotzen zaion heinean ikusten dut interesgarria:

IKUS BIDEOA YUTUBEN:
motives and thoughts

ZURAren diskoaren aurkezpena AZAROAK 11

Datorren asteartean, Azaroaren 11an, goizeko 11etan eta Donostiako Udal Patronatuak alde zaharrean duen Udal Haur Liburutegiaren Ekitaldi aretoan, (Fermin Calbeton kaleko 25. Zenbakian, 3. solairuan), “Kiribil”, ZURA taldearen lan berriaren aurkezpenera gonbidatu nahi zaituztegu.

ZURAren disko berria: KIRIBIL

"KIRIBIL", Bidasoaldeko ZURA taldearen bigarren diskoa da, euskaraz egindako bossanova diskoa, hain zuzen ere. Bertan, iturri desberdinetatik edaten duen bossanova berritzailea aurkituko dugu: rocka eta funkaren tradizioak brazildar samba eta bossarekin nahasten dira. Orohar, armoniak eta erritmoak brazildar kutsukoak dira, euskara bihurtzen delarik hitzen hizkuntza nagusi. Ikuspuntu berritzaile batetik landutako bossa da beraz, diskoaren muina.

Hitzen mailan, KIRIBIL diskoan maitasuna, itxaropena eta sentimendu goxoak lantzen dira. Hitzak, kantuak bezela, Xabi Strubell-enak dira, Joseba Sarrionandiaren portugesezko poema bati tokia egiten diotelarik, "Propostas para o definiçao do exilio". Gainera, badira portugesezko beste kanta bat ("No mundo dos fugitivos") eta italierazko bat ("Amore").

ZURA, gaur egun, eta zenbait aldeketen ondoren, Xabi Strubell-ek (kitarra eta ahotsa), Nerea Olaxa-k (ahots nagusia), Diego Garcia-k (bateria), Gorka Sesma-k (Kashbad-eko kitarrajotzaile ohia) eta Hans-ek (baxuarekin) osatzen dute.

Diskoko laguntzaileen artean, egungo euskal eszenaren izen garrantzitsuak daude: Eñaut Elorrieta (ken zazpi), Ines (Gose), Anari eta Sorkun. Baita Wemean suitzar taldeko Sabina Leone ere. Musikarien aldetik, Koldo Uriarte eta Gorka Pastor teklatujoleak eta Marc Barnes baxujolea egon dira ere diskoan parte hartzen.

Diskoa estilistikoki kokatzekotan, alde batetik Brasil-en sortzen ari diren musika ildo berriei so egin behar diegu. Bossanova eta brasildar musika herrikoia berritu eta eguneratu duten esperientzien ildotik dabiltza ZURA: Fernanda Porto, Bebel Gilberto edota Moreno Velosoren taldearen ildotik. Bestaldetik, KIRIBIL diskoan badira rock, funk, soul eta jazz ukituak, betiere ZURA-ren estilo pertsonaletik landuak.

Diskoa azaroan aterako da, hurrengo asteetan.

HEMEN ENTZUN DEZAKEZUE (6 kanta daude myspacean): www.myspace.com/zuramusika

Zuzeneko biratxo bat egiten ari gara, diskoa aurkezteko. Horra datak:

-azaroak 8, beasain gaztetxea. (+las sfintters + selektah stepi)
-azaroak 14, plateruena durango, (+petti)
-azaroak 21, donibane-ziburuko gaztetxea.
-azaroak 27, UPNAko kafetegia, iruñean. 19:30.
-azaroak 29, doka kafe antzokia, donostian.

Abendua
ZURA + SABINA LEONE BIRA

-12 ostirala- Psilocybe aretoa Hondarribi
-13 larunbata- Putzuzulo amets fabrika zarautz
-18 osteguna- Bonberenea Tolosa
-20 larunbata- Le Mono artista kolektiboaren aretoa Bilbo.

Hedoi Etxarte: Suzko Lilia

2008ko irailean argitaratu du Hedoi Etxartek SUZKO LILIA (susa 2008) poesia liburua. Liburu bikaina da, oso fina eta kalitate haundikoa.

Surrealistek irekitako bidetik, Hedoik hizkuntza berezia sortzen du, non isurkinak, animaliak, tren eta tranbia estazioak eta hizkuntza desberdinak nahasmen ederrean biltzen diren. Sentimenduaren adierazpenerako edozein sentsaziok balio dio: kolore batek, metafora jostagarri batek edota kale urrunen baten izena.

Maitasuna dago poemen sakonean. Ni eta Zu. Zure ausentzia, zure presentzia. Eta mundu horren inguruan, zurrunbilo batean joanetortzen dira poesiaren hariak. Badago sexua ere poema hauetan, sexualidade surrealista bat. Surrealistek bezela, zeozer bilatzen du poetak gorputzaren atalen poetikotasuna bilatzean: belarriak, betazalak...

Euskara jasoa eta poetikoki aberatsa erabiltzen du. Hizkuntza menderatuz, bere sentimenduak menderatzeko hitzak bilatzen ditu poetak, eta bide hortan horrelakoak haizeratzen ditu:


BEHARRA ETA GOGOA

iristean esan zenidan
"isiltasuna ere musika da"

entsaladaren aurretik
"hutsunea ere espazioa da"

ostean
"beltza ere kolorea da"

kafean
"operazioa egitean min egiten badizute ere
sendatzeko tenorean gertatzen da hori"

alde egin baino lehen esan zenidan
"adarrak jarri nizkizun
baina zu bakarrik zaitut maite"


Hauek eta gehiago: Susaren webgunean HEDOI ETXARTE SUZKO LILIA

saramagoren galdera

A pergunta
E eu pergunto aos economistas políticos, aos moralistas, se já calcularam o número de indivíduos que é forçoso condenar à miséria, ao trabalho desproporcionado, à desmoralização, à infância, à ignorância crapulosa, à desgraça invencível, à penúria absoluta, para produzir um rico?

Almeida Garrett
(1799-1854)

Galdera

Nik galdetzen diet ekonomista politikoei, moralistei, kalkulatuko ote duten miseriara kondenatu beharreko gizabanakoen kopurua, neurriz-kanpoko lanera, desmoralizaziora, haurtzarora, ezjakintasun zitalera, atsekabe garaitezinera, urritasun gorrienera kondenatu beharreko gizabanakoen kopurua.. aberats bakar bat produzitzeko?

Almeida Garrett
(1799-1854)

(jose saramagoren blogetik hartua: http://caderno.josesaramago.org/ )

euskal onomatopeien hiztegia

Eskutara iritsi zait euskal onomatopeien hiztegia. Itxura oso ederra du, eta lan zabala eta sakona da. Iraide Ibarretxek eta Alfontso Mtz. Lizarduikoa-k egina da, ta GAIAK argitaldariak argitaratua da, 2006ean.

Gure onomatopeien aberastasuna dudarik gabe hizkuntzaren espresio gaitasunaren lekuko da, baina dudan nago diglosiak ere hemen tarte haundia jan ote ez digunik.

Komentario txiki bat egite arren, esango nuke azalpena euskaraz ez egotea pena dela, ingeleraz eta gazteleraz baitaude.

zenbait pasarte:

"hizkuntzalariak hasi dira interesa jartzen mintzairaren forma fonetikoa osatzen duten elementuen esanahi autonomoan, zuzenekoan, zein, Kratilo obran esaten zaigunez, naturatik zuzenean sortua den, eta ez konbentziotik. "

ta zenbait adibide:

birri-barra: zabaldu, esparcir

blaust: zaplaztekoa

dal-dal-dal: hotzikaran, temblando

hiztimizti: ahoberoa

hirrinbili-harranbala: baldar ibili

izkirimiri: solasaldi arin ta atsegina

jarrai-marraiak: prozedurak

ñañi: eskeini ta ez eman, haurrekin

ñibirri-ñabar: abigarrado

ñir-ñir: fulgor

Euskaldunak ta globalizazioa

Euskaldunak ta globalizazioaz aritzeko tarte bat hartu nahi izan dut gaurkoan. Gaia gaurkotasun haundikoa da, egia esan.

Historia ikasteak ematen duen perspektibatik, globalizaziotzat ezagutzen duguna oso-oso prozesu luzearen ondorio gisa ikusten dut, bere keria eta tasun guztiekin. Hori bai, ezinbestean maila desberdinak desberdindu behar dira.

Badago globalizazio ekonomiko bat, inposatzen den garapen eredu bati lotua eta ankerkeri ugariren bidez lur planetako jendearenganako opresio herraminta bihurtu dutena. Hor ere prozesua luzea izan da. Luze zabaldu gabe, moneta sistemaren aintzindariak mediterraniar itsasoaren inguruko sistema proto-ekonomiko hartan kokatu behar ditugu, hain zuzen ere, XV eta XVI. mendetan herrialde katalanek eta italiako hiri estatuek osatzen zuten sistema ekonomiko hartan. Bertan "taula de canvi" sistema sortu zen, banketxeen aintzindari izan zena, eta zenbaitzuk kapitalismo modernoaren aitzindaritzat hartu izan dutena. Azken finean, balio monetarien trukerako sistema zen. Elkar-truke sistema harek, besteak beste, Errenazimenduaren zenbait alorretako funtsak ezarri zituen, haien artean truke komertzialen garrantziaren eta kapitalen metaketena.

Badago beste globalizazio kultural bat. Haren zutarri bat arabiarrek bideratu zuten, aintzinateko jakituria guztia kristauei helaraziz. Hortan, iberiar penintsulak garrantzi berezia izan zuen. Unibertsitate mediebalak, zientzien suspertzea, elkar-ezagutza, jakiturien globalizazioa, azken finean.

Globalizazio kulturalaren beste mugarria: Mundua laua izatetik borobil izatera iragan zeneko garai hura. Hor bai euskaldunek itsasgizon (besteak beste) gisa zeresan haundia izan genuen, bideak zabalduz eta aintzindari gisa. Gauza jakina da ternua edo terranovara euskaldunak Kolon ameriketara iritsi baino lehen iritsi zirela. Mundu borobil hori europar barne kontraesanen kanporatzerako (ihes balbula gisa edo) erabili zen.

Ta noski, kontraesan ekonomiko eta kultural guztiak esportatu genituen. Hor azaltzen zaigu beraz globalizazioaren lehen biktimak izan zirenen arrastoa, amerindiar herriak. Sarraskia ikaragarria izan zen, ez bakarrik zuzena eta ezpata kolpeka, baizik eta "mikrobioen merkatu komuna"-ren eraketari lotutakoa ere bai. Ameriketan ezezagunak ziren zenbait mikrobio eta birusek eragin zitala izan zuten bertakoengan.

Esan dezagun beraz, gerora XVII-XVIII. mendeetan nahas-mahas guzti hura, mundu borobil hura, lehertu egin zela, europako erlijio gudekin: Erreforma eta kontraerreforma, kristautasunaren ikusmolde desberdinak. Protestanteek bertako ama-hizkuntzengana jo nahi zuten (besteak beste) eta sentimendu erlijiosoa demokratizatu. Hor ikusi du hainbatek (protestantismoan) gerora kapitalismoaren nolabait oinarri psikologikoak direnak (Max Weber-ek adibidez). Ta hor, hein haundi batean, gelditu zen aurremarraztua egungo europaren mapa (bi abiadurako europa deitu izan dena).

Euskaldunek panorama zabal honetan, alde batetik, protestante kulturaren zenbait agerpen edo bertarapen izan genituen. Erlatiboki hitzeginda, nahiko goiztiarra da Bibliaren euskal itzulpena. Bide xidor hori, modernitaterantzakoa, nolabait moztua gelditu zen. Baina euskal kulturak globalizazioaren ernamuin unean zeresana izan zuen.

Kulturek elkar elikatzen diote. Gaur egungo bizimodua milloika truke txiki eta haundiren emaitza da. Globalizazioa prozesu orokor bat da, azken finean etiketa bat garai edo egoera bat azaltzeko.

Hortaz, globalizazioan badago inperialismo eta ankerkeri egiturazkoa, MENDEBALDARTZEA, gerra krudelak, MONETALGOAREN DIKTADURA, enpresen asebeharrez kklonatutako BIZIMODUENA...

baina globalizazioa prozesu konplexuagoa da, eta baita IRAULTZA OROKOR BAT GERTATUKO BALITZ ERE, gerrak amaitu, INJUSTIZIAK ORO BUKATU, sistema ideal bat erdietsi, GIZAKIAK GIZAKIA MENPERATZEN DUENEKO EGOERA BIRRINDU eta gizona gizonarentzat OTSOA BESTERIK EZ DENEKO egoera hau AMAITUTA ERE.... baita orduan ere, globalizazioaren tasun guztiak gurekin geratuko lirateke.

TA TASUN GUZTI HORIEK EGUN EUSKALDUN IZATEA DENAREN EZINBESTEKO PARTE DIRA:

-protestantismoaren ama-hizkuntzen errebalorizazioa (lehen euskal literaturaren sorrera testuingurua)

-amerikatik ekarritako jakituria eta gai guztiak (gure zelaietako artoa, patatak...)

-italiatik ekarritako trikitixa (XIX. mendean trena egitera zetozen langile italiarrek ekarritakoa)

-inglaterratik ekarritako punka (kortatu, hertzainak, la polla records-etabar luze bat- ezin ulertuzkoak lirateke)

-jamaikatik ekarritako reggea...

-japoniatik ekarritako marrazki bizidunak (arale, dotakon, dragoi bola.....)


ta beste hainbeste gauza ta kausa...................

Lauki bat zen (puskak irakurgai).

Platon jaio zen egunean
mundu oso bat hil zen.
Baina inork etzuen ondoriorik atera.

Zaldiak ikusten ditut
arbelean,
eta behor haurdunak
belearen hegaldian.
Apoak dantzan
eta osinak zelaietan.

Kosmosa ere laukia da,
ordena daitekeen mundu txiki bat besterik ez,
zutarritzen gaituzten tasunen aterpe ñimiñoa,
mugarritzen gaituzten bideen argi,
mugarrijasotzaileen neke eta zorionen aterki
larrosa.

Kaos formagabe horrek,
berdin da A-8ko bihurgune batean,
izotzezko horma batean,
edo kaletik goazela teila batekin buruan...
beti itxarongo gaitu
edozein kosmos txikitxo baten kantoian,
ezustekoaren
ez-itxarondakoaren
ez-kosmosaren
bihurgunean, gugana
bihurtuko den
behor bihurri.
Kosmos oro amarrua da.

Hitz eta pitz.

Hizkuntzaz
hiztuz eta piztuz mundua
(gramatikaren sorginkeri lehena),
eta eskuaz eraldatuz,
kaosaren kiribiletan barrena.

Lauki bat zen.
Lauki bat da.

LIBURU OSOA JETSI HEMEN: LAUKI BAT ZEN

Oteiza gogoan hartuta, poesia liburua ondu du Xabi Strubell-ek

Euskal poesiaren mundua lurralde zabala da. Euskal poesiak heldutasuna lortua du aspaldi batean, XX. mendeko bidezidor argilunetan. XXI. mendera iritsita, poesia oso anitza egiten da Euskal Herrian. Gazte ugari dago hariari tiraka (katea ez da eten) eta panorama honetan sortu zait nire ekarpentxoa egiteko beharra.

"Lauki bat zen" poema liburua bidaia antzekoa da, sentsazio eta irudi poetiko aldakorrez osatutako osotasun poetikoa. Oteiza diot idatzi honen tituluan, baina asko dira aintzat hartutako pentsalari eta erreferentziak. Eraberean, sentsazio propioz eta sentimenduen lurraldean barneratuz idatzia dago, kaos orokor batean nolabaiteko jarraitasun poetikoa bilatuz.

Idazkeraren aldetik, surrealista eta dadaisten teknikak erabili ditut, idazketa automatikoa hain zuzen ere. Hau da, buruaren jarioari ahalik eta aurreritzi gutxienekin bide ematea. Hortaz, ia-ia jazzera gerturatzen den poesia aurkituko duzue liburuan: irudi poetiko aldakorrak, erritmo aldaketak, poesia zipriztinak...

Oteiza diot. Urtetako irakurtze eta hausnartze lan baten ondoren, euskal kulturaren inguruko ideia eta intuizio batzuk biltzen joan naiz, halanola labarretako arteaz, hizkuntzaren sorburuaz, erritual txamanikoen inguruan, hizkuntzaren filosofiaz.

Besterik gabe beraz, edizio pirata bat egin dut interneten.

JEITSI, KOPIATU ETA ZABALDU LASAI EDERRIN:

http://www.archive.org/details/LaukiBatZen_353

sekula ez da historian hainbeste lagun ibili euskaraz idazten

Luistxo Fernandez-ek oso artikulu interesgarria idatzi du euskara eta interneten arteko harremanaz eta egoeraz.
Irakurtzeko modukoa.

"Euskara Interneten: argi-ilunak" du izenburua.
http://eibar.org/blogak/luistxo

hona hemen laburpena, baina osorik irakurtzea oso gomendagarria da:

EUSKARA TA INTERNET

-ez dezagun sinetsi trena garaiz hartu dugula.

-euskaldunen sareko trafiko eta ohiturak ezagutu ditzagun, eta webgune eleanitzen kasuan, trafiko horren neurketa zehatza eta presentziaren plangintza orekatua egin dezagun. Ez dezagun diglosiaren zulo beltza elkikatu.

-Sareko zerbitzuetan, bide guztiekin saia gaitezen: aurki ditzagun gure txokoak Google ekosisteman, eta aldi berean eraiki ditzagun alternatiba propioak, guztiz euskaldunak.

-Ez hedabideak gorrotatu. Bilakatu hedabide. Informatu, eztabaidatu, bloga sortu, matraka eman.

-Ez Kultura sailburuagatik kexatu. Bihur zaitez zu zure kulturaren jaun eta jabe.

-Sortu kultura. Kopiatu, egokitu eta birsortu irudimenarekin. Punk izpiritu apurtzaileenarekin.

-Kultura librea sor dezagun. Izpiritu entziklopedikoarekin.

OTEIZA GOGOAN

Preindoeuropearra naiz.

40.000 urte ditut
baina sasoi betean nago.

Larzabalen Ibañetaren moldaketa berria

Larzabalen Ibañeta antzerki obraren moldaketa berria egin dute.

Emankizunak iparralden egiten ari dira, (gaur Sara-n) eta taldetxo oso interesgarria bildu da. Nik Ander Lipus ezagutzen dut gehien. Harekin hitz egiteko aukera izan dut moldaketa berriaz, eta historio oso polita dela argi dago.

Antzerki lan bezela egungo modutara amoldatu dute (bideoa, musika, planteamendu berritzaileak). Omen, oso ondo dago egina, ta gainera amateur antzezleen lana primerakoa da, profesionalak ere badauden arren.

Ea hegoalden ikusteko aukerarik dugun!

25 urteren buruan, berriz irteeran

Testu bikain hau zintzilikatu nahi izan dut.

"25 urteren buruan, berriz irteeran

Patxi Azparren - Xabier Sarasua - Endika Yoldi
Euskaria Fundazioko kideak

Orain dela lau bat urte, solasaldi batean, guk baino urte gutxi batzuk gehiago dituen lagun batek, bere burua bidearen erdian ikusten zuela esan zigun. Atzera begira aurrera begira besteko tartea ikusten zuela, alegia. Gu ere leku berera iritsiak garela ohartuta gaude, eta kokapen berri honek ematen digun ikuspegiak sentsazio berriak sorrarazten dizkigu.

Gurasoengandik jasotako munduarekiko maitasun-gorroto harremana genuelarik, kezka nazionalek eta sozialek gure hurbileko inguruan konpromiso zehatzak hartzera eraman gintuzten. Frankismotik irten ezinik zebilen Euskal Herrian haziak gara. Hainbat eta hainbat lagunekin batera, Frankismoak gure herrian egindako sarraskiak txikitu zuena berrosatzeko eta berritzeko ahaleginetan ibili ginen. Euskal Herri desberdina eraikitzen ari ginela sinistu genuen, eta etorkizun baketsu, emankor eta askea eskura genuelakoan ginen.

Tamalez, urteek aurrera egin ahala, gure belaunaldiko bidaialagun frankok, eguneroko beharrek eta egungo bizi moduak dakartzaten loturek bultzaturik, konpromisoari muzin egin diote, eta tropel nagusien berotasunean babestu dira.

Ez da harritzekoa, ez dago ezer leporatzeko, oso ulergarria baita hamaika buelta eman ondoren, hasierako toki berera itzuli garela bistan dago eta.

Post-frankismotik neo-frankismora itzuli gara, eskuineko diktadura horrek eratu zuen kapitalismo mota berezi horretatik, enpresa handiak diru publikoz hornitzen dituen neoliberalismora heltzeko. Langabezi-tasaren ikarak sortzen zituen kateetatik, mailegu hipotekarioek eraiki duten espetxeraino ailegatzeko.

Ezagutzen gaituztenek baikortasuna, bizipoza eta alaitasuna gure ezaugarriak direla baiezta lezakete. Egun, berriz, gure herri osoa jaten ari den etsipenak itotzen gaitu.

Arbasoengandik jaso genuen mundua aldatu nahi genuen; arbasoek pairatu zutenak eta egindako lanak beraiekiko errespetua eta lotura sakona sortu zuen gugan. Itxuraz kontrajarriak diren bi faktore hauek jendarteaz eta nazio arazoez kezkatzera eraman gintuzten. Orain, seme-alabei bestelako mundua eta Euskal Herria utzi nahi izateak etsipenaren gainetik lan egitera behartzen gaitu.

Ordularia geldirik.

Aste hauetako prentsa irakurriz gero, Euskal Herrian ordularia noizbait gelditu zela pentsa genezake. Heriotzak, ilegalizazioak, debekuak, atxiloketak, euskararen egoera… Handia da telebista itzaltzeko eta egunkaririk ez zabaltzeko tentazioa. Nazka-nazka eginda gaude, ordulari zaharraren orratz herdoilduetan usteltzen ari gara. Estatuek utzitako zirrikituez baliatuta, erakundeen bidez herri aske izatera iritsiko ginela hitza eman zigutenek kale egin dute; azken aste hauetako gertaerak horren azken egiaztapena baino ez dira. Borroka armatuaren bidez herri aske eta solidarioa izango ginela hitza eman zutenek ere kale egin dute. Eta desobedientzia zibilaren bidez, herri aske, solidario eta tropikala ekar genezakeela aldarrikatu genuenok ere kale egin dugu.

Gaztetxoak ginela, gure belaunaldiko askok sistema aldatzeko borroka bide jakin bat aukeratu zuten. 25 urteren buruan horietako batzuk ez dira gure artean, beste batzuk oraindik preso daude. Neurririk gabeko sufrimendua jasan behar izan dute; neurririk gabe sufriarazi dute.

Bide berriak behar ditugu; baina egindako bidea ez da alferrik izan, eta ikasitakoak bide berriak urratzeko oinarri izan behar du. Batetik elkarlanaren eta indar metaketaren premia dago: ondorioak ateratzeko hausnarketa konpartitu batetik hasita; indar metaketa ezberdinak bilatu beharko dira helburu ezberdinetarako (burujabetzarako eta gizarte-aldaketarako, esate baterako). Bestetik, indarkeria bide guztiak alde batera uztea; bidea helmuga bezain garrantzitsua da. Azkenik, erakundeen eta herritarren lana biak behar ditugula, bakoitza bere esparruan eta bere tresnen bidez, baina norabide berean, nahi dugun Euskal Herrirako bidean urrats eraginkorrak emateko.

Egongo dira bestelako hausnarketa egin eta bestelako ondorioak ateratzen dituztenak ere. Helburu berak izanik, elkarri entzuteko eta pixkanaka baina bat eginda aurrera egiteko unea dela uste dugu.

Seme-alabak koskortzen ari zaizkigun honetan, duela 25 urte gertatzen zen moduan, zutik diraute euren nortasuna eta ahalmenak garatzea oztopatzen dieten harresiek, eta aurki sentituko dute bustitzeko beharra. Urrats hori ematen badute, gure laguntza beharko dute minik har ez dezaten eta minik eragin ez dezaten. Etsipenak ezin gaitu garaitu."

Nire lehen poesia liburua: Lauki bat zen

Poesia liburu berria daukat eskuartean: Lauki bat zen.

Egungo aukera berriei men eginez, interneten dohainik zintzilikatzea erabaki dut. Liburuak nahas-mahas batean biltzen ditu poesia sorta batzuk. Arteaz, filosofiaz, sentimenduez, eta beste hitzegiten dut. Erudizio aspirazio haundiegirik gabe, Historiako ikasketetan eta gure "klasikoen" irakurketetan barrena (Oteiza, Barandiaran, Manuel Lekuona) pilatzen joan naizen ideia eta sentsazio desberdinak bildu ditut. Eraberean, Dada eta surrealista mugimenduen zenbait errezeta erabili ditut. Idazketa automatikoa, adibidez.

Ondorioa osotasun kaotiko bat da, gai batetik bestera pasaz, baina sakoneko loturei bide emanez, jarraitasun poetiko bakar baten bidean.

Dohainik eskuragarri duzue hurrengo loturan:

Lauki Bat Zen

(http://www.archive.org/details/LaukiBatZen_353)

IRITSI DA EGUNA!!!!

Azkenean iritsi da eguna ta ZURAk bihar lehen kontzertua egingo du!!!!!!

KARMA TABERNA-HONDARRIBIA- OSTIRALA 10 - 22:30

oso pozik gaude ta gogo haundiz kanta berriak konpartitzeko. batezere diskotik joko ditugu kantak baina baita aurreko diskotik eta bertsioren bat.

badakizue!!!! gonbidatuta zaudete!!!!

Oiaso, zero urtea

OIASO ZERO URTEA

Oiasoko baskoiak gaur bildu dira, gehienak arditurriko meatzetan egun guztia lanean eman eta gero. Nekea agerikoa zen aurpegietan. Arditurrik mozkin eskuzabalak ematen dizkie erromatarrei, bertan meatzea ireki zutenetik. Zulatu ta zulatu, mende erdi batean Aiako Harria gazta zulatu bat bihurtu dute.

Asanblada eguzkia jartzeko orduan deitua zegoen Erlaitzen. Bertan egon dira meatzari asko, baina baitaere nekazariak, eta egia esan, oiasoaldeko langile asko, era guztitakoak.

"Erromatarrak euren termatan dauden bitartean, goxo-goxo, guk bizkarra apurtzen mea ateratzeko meatzetik!!" esan du batek nahiko berotuta.

"Ez daukagu ezta etxebizitza duin bat!!" beste batek, ahotsa zurrunbiloan altxatuz.

"Egia esan mundua nahiko gaizki banatua dago. Erromatarrak iritsi zirenetik, geroz ta gaizkigo bizi gera." besteak.

Auskalo zer gertatuko den oiasoaldean. Lan baldintza duinen alde badirudi nahiko ahots altxatzen direla, baina asko bakartuta sentitzen dira, izan ere erromatarrek pentsamoldeak kontrolatzeko era asko dauzkate, batezere erlijioak ematen dien kontrol erritual guztiarengatik.

Jarraituko dugu oiasotik berri ematen. Oiaso askatu!!!

ZURA Kontzertuak 2008 alaitasuna tour

Urria-octubre
10 ostirala- Karma taberna Hondarribi
11 larunbata- Akelarre Txantrea
18 larunbata- Iurrita Oiartzun (+ gora japon)

Azaroa-noviembre
8 larunbata - Gaztetxe Beasain
14 ostirala - plateruena Durango (+ petti)
27 osteguna - UPNA nafarroako unibertsitatea - 7:30

Abendua-diciembre
ZURA + SABINA LEONE BIRA

12 ostirala- Psilocybe aretoa Hondarribi
13 larunbata- Putzuzulo amets fabrika -Zarautz
18 osteguna- Bonberenea Tolosa
20 larunbata- L´Mono artista kolektiboaren aretoa Bilbo

lurralde loopeatuak edo loopatuak edo loopeztatuak

(Euskaltzaindiak erabakia hartzen ez duen bitartean...)

Loopeatuta geratuko gera
loopeatuta, loopeztatua, edo loopatuta
loop batean, kiribil batean...

ilegalizazio, ukazio ta ixiltze loop batean.....

zarata arroxazko loop batean, zeinean ahotsik ezin den entzun....

norbaitek esan zuen, ez ditzatela gehiago ilegalizatu..... LETRAK BUKATUKO DIRELA!!!!!!!

ZURA-ren disko berria URRIAN

ZURA-ren disko berria ia-ia bukatuta daukagu. Poz haundiz oso gustora geratu garelako ta jendeak entzuteko irrika bizian gaude.

Diskoak KIRIBIL izena du, musikaren munduan sartu diren lan egiteko modu berriei erreferentzia eginez, nolabait, (loop-ak etabar), baita musikaren inguruko ikuspegi espiral bategatik.

GOR disketxeak kaleratuko du, ta biratxo bat egingo dugu urritik abendurarte diskoa aurkezteko.

Diskoan laguntzaile ugari izan ditugu, denak oso potenteak. Funtsean ZURAko oraingo hiru partaideak (xabi, nerea ta diego) ta teklistak, baxujotzaile, ta abeslari oso entzutetsuak......

Zuzenerako ere taldetxo polita bildu gara, tartean kashbad-eko gorka sesma (kitarjolea) eta hans, hondarribiko gazte martxoso bat, eta noski abeslari berria, nerea, kabulen ibilitakoa eta diego, baterijolea.

Jakinaren gainean edukiko zaituztet daten inguruan.

Blog interesgarria netlabel-en inguruan

Netlabelen inguruan azken boladan nahiko eztabaida dago. Izan ere, eredu berri bat planteiatzen dute musikaren sormen, banaketa eta entzunalearen-ganatzerako. Asko daude ta oso diferenteak. Aurki daitezke elektronikaren mota desberdinen ingurukoak, baita dub, hiphop etabar.

Sakoneko eztabaida bat piztutzen dute berauek: musika dohainik eskeintzearena. Mugimendu hau orokorrean Creative Commons eta gisako copyleft eredua erabiltzen dute. Hau da, egile eskubideen inguruko jarrera berria, zeinean egileak eskubideen gaineko jarrera irekiagoa agertzen duen. Badaude formula desberdinak, baina funtsean zabaltzeko errazagoa da musika hau, ez baitauka egile eskubideen gaineko horrenbesteko murrizketa.

Mugimendu guzti honen inguruan berriak, elkarrizketak eta lotura interesgarriak jasotzeko badago "netlabels and news" deitutako bloga. Bertan netlabelen joera hau zertan den eta zer bide hartzen ari den jakin dezakegu.


Horra helbide interesgarri batzuk:

netlabels and news: http://netlabelsnews.blogspot.com/

afterbeat, dub netlabela : http://afterbeat.org/index.php?action=rel&id=10

qunabu, musika elektronikoa: http://netlabel.qunabu.com/

fresh poulp records, musika elektronikoa: http://www.fresh-poulp.net/releases/FPR022.htm

iphone girl edo langile ahaztuaren erretratua

It is no mistri
Wi meekin histri
it is no mistri
Wi winnin victri

eivissa

oporrak beti dira opor

bidaiak beti bidai

ferryan eivissaruntz

ta buelta

amasako estudioan

gaur egun ederra amasako estudioan

menda sorta batzuk grabazio txokoa girotzeko ta

hor egondu naiz kitarrak sartzen

egia esan itxura earra du


hurrengo astean ahotsak sartuko ditugu

gonbidatu bereziak izango ditugu

LEHEN EGUNA ESTUDIOAN

Lehen eguna estudioan ta aski gustora.

Bateriekin hasi gera, diego-kin. Illusions talde onyarbitarran ibilitakoa da bera. orain talde desberdinetan dabil ta diskoa grabatzera animatu da. kriston baterijole ona da.

egia esan itxura earra hartzen ari da, lau kanta grabatu ttugu ta earki.

euskal samba-bossaren bidexidorrean abiatuta portugesezko zenbait poema sartuko ditugu, baita katalanezko bat eta italierazko bat. beste guztia euskaraz.

hementxe letrekin nahasmahas txiki bat egitea bururatu zait:

Nu mundo dux fugitivux

xuri-xuri agertu zira,

hiri aro aro ero honetan.



La lluna i el desert,

la nit al teu costat.


Oinutsik gaudelako amalurraren gainean,

e vogliamo caminare,

bero-bero berotasunean,

ta kiribiletan lotuz biluztasunean.


Maitasunean soilik batzen gera

orduan distantzia txikitua geratzen da

haize firinda batek lagunduta.


Martxan da gure iñauteri beroa.

Rexistir obrigado.


NU MUNDO DUX FUGITIVUX A PESSOA QUE VA PARA UM OTRO LADO PARECE ESTAR FUGINDO.

ZURA ESTUDIORA!!!!!!!!!

UZTAILAren 3AN ZURA estudiora sartzen da. 3-4 aste edukiko ditugu disko berria grabatzeko. kriston goguakin. euskarazko bossa diskoetan lehengua izango da, (nik uste) justun 50 urte betetzen direnean bossanova estiloa sortu zenetik brazilen.

saiatuko naiz argazkiak-ta zintzilikatzen estudioko egunetatik.

HIRIAN

HIRIA

iru uri uli irur

hitz era-anitza euskaraz

hiriko bizitza

euskal hiria sutan

kalekumeak

galipotakumeak

hiri aro ero

kontzeptuari bueltaka

-bota entzunaldi bat ZURAren disko berriaren kantuei, nahi izan ezkero.

ZURA disko berriko aurremaketa entzuteko hemen klikatu

milestones in the rigth path

milestones

mugarriak

milestone-lifter

mugarri-jasotzailea

milestone-lifter in the right path

bide-oneko mugarrijasotzailea

NIRE AITAREN ETXEAN FESTA BAT EGINGO DUGU

-NADER-ek bidalia

Nire aitaren etxean
festa bat egingo dut.
Otsoekin
musika katearekin
kukurrukuekin
injustizia ororekin
(drum and basserrirekin)
festa bat egingo dugu
nire aitaren etxean.
Lagunduko ditut
bakarrak
azeriak
panpinak;
irabaziko ditut
isuriak
errenak
heresiak;
eta kristona montatuko dugu.
Karma kenduko digute
eta drogekin erreskatatuko dugu
gure aitaren etxean
egingo dugun festan:
kezkak eraikiko dizkigute
eta bertsioekin egingo dugu
nire aitaren etxeko festa;
sudurrik gabe
alurik gabe
zilborrik gabe
utziko gaituzte
eta miarma sareekin iraunaraziko dugu
aitaren etxeko festa.
Ni izanen naiz
nire ama ernaldu
kateatu
eta aitaren etxeko festan,
zakila zutunik
iraun dezan
biagra eta anfetak
hartuko dituena.

NIRE AMALURRAREN ETXEA

NERONEK idatzia

Nire amaren etxea
defendituko dut,
multinazionalen kontra
motosierradun otsoen kontra,
korbatadun espekulatzaileen kontra,
mozkinaren kulturaren kontra
defenditu eginen dut
nire amaren etxea.

galduko dira zelaiak,
galduko zuhaitzak,
galduko hariztiak;
galduko ohian ta basoak,

galduko dira
errekak,
ibaiak,
itsasoak,
baina nire amaren etxea defendituko dut.

kotxea kenduko didate, (nola kotxea? kotxea ez mesedez!)
eta bizikletan
defendituko dut
nire amaren etxea;
bizikleta ebatsiko
didate,
eta patinetean
defendituko dut
nire amaren etxea;
patineterik gabe,
bonobusik gabe,
gotibeherarik gabe,
gurpildun maxinarik gabe
utziko naute,
eta ibiltzen hasi beharko dut (azkenean txo!)
honela defendituko dut
nire amaren etxea.

Ni ez naiz gimnasiora joan beharko,
nire kotxeak ez du gas txarrik botako,
nire kutsadura dosia galduko da,
ta orduan hasiko naiz
nire amaren etxea
defendintzen,
honela bakarrik
iraunen du
zutik.

PROPOSAMEN POETIKOA: NIRE AITAREN ETXEA

NOLA BADIRUDI JENDEA ANIMATZEN HASI DELA POEMAK BIALTZEN, ARIKETA BAT PROPOSATZEA BURURATU ZAIT.

GABRIEL ARESTIREN POEMA BATETIK ABIATUTA BAKOITZAK BERE BERTSIOA BIALTZEKO PROPOSAMENA DA.

MESEDEZ BIALI ZUEN PROPOSAMENAK atxofanifana@yahoo.es HELBIDERA


POEMA OINARRIA

NIRE AITAREN ETXEA:

Nire aitaren etxea
defendituko dut.
Otsoen kontra,
sikatearen kontra,
lukurreiaren kontra,
justiziaren kontra,
defenditu
eginen dut
nire aitaren etxea.
Galduko ditut
aziendak,
soloak,
pinudiak;
galduko ditut
korrituak,
errenteak,
interesak,
baina nire aitaren etxea defendituko dut.
Harmak kenduko dizkidate,
eta eskuarekin defendituko dut
nire aitaren etxea;
eskuak ebakiko dizkidate,
eta besoarekin defendituko dut
nire aitaren etxea;
besorik gabe,
sorbaldik gabe,
bularrik gabe
utziko naute,
eta arimarekin defendituko dut
nire aitaren etxea.
Ni hilen naiz,
nire arima galduko da,
nire askazia galduko da,
baina nire aitaren etxeak
iraunen du
zutik.

UNEGUNEAK AZKEN DATA, GASTEIZ

hurrengo igandean gasteizen, hala bedi tabernan, egingo dugu azken aurkezpena. agian udan batonbat egingo dugu, baina nahiko solte. ez dakizuenentzako UNEGUNEAK Rer bideojartzailearekin egiten ari naizen ikuskizuna da. poesia,musika eta irudia uztartzen ditugu.

Orain arte, donostia, bartzelona, errenderi, hondarribi, azpetti ta zarautz egin ditugu. oso gustora guztietan ta jendearen harrera beroa.

UNEGUNEAK IKUSKIZUNA, XABI STRUBELL + BJ RER : GASTEIZ, EKAINAK 1 IGANDEA.

goxotasun ederrian

zura-ren disko berria ttipi-ttapa aurrera doa. nobedade ugari zuraren formazioan ta laguntzaile elegantiak izango ditugu diskoan. azkenean uztailerako konfirmatu da grabatzeko data ta burubelarri gaude lokalian lanean. abeslari berria daukagu, irungo neska bat (kabul-en ibilitako nerea) oso ahots bereziarekin. guztira 12 bat kanta izango dira, denak bossanova ikutuarekin. disko oso udatiarra eta goxua. irailerako aterako da ziuraski, ta egia esan kriston goguak jendeak entzuteko.

ZENBAIT POEMA IRITSI ZAIZKIT

azkenean! banuen itxaropena norbait bere poemak bialtzera animatuko zela:

bi pertsonak biali didate, beñat eta josuk. biei eskerrak.


hara beñat-ena:

Zer iritzi duzu bipartidismoaz?

Zer iruditzen zaizkizu ematen dutena baino adin gehiago dutenak?

Ze iritzi duzu

Tarteka bada ere, ongi dago zu bezala pentsatzen ez dutenen artean nahastea


hara Josu-rena:

Igandea

Beldurrez begiratzen diot igandeari
etxeari, pakeari, ahal eta ezinari
Bukatzen den epea; galdu da
baina ezin amaitu behar bezala
Denak ahaztu baitirade nitaz.
Gaueko tirabirak buruan bueltaka
eta helburuak urruti, burua lehertzear
Planteamendu zailenak orain egin behar
Zergatik beti behar? Zergatik behar?
--
Igande arratsalde batek dio
bizitza bide onetik doan
--

... ein?.....

... (poema bat aurkitu dut nire poema zaharren artean)....


-keria! keria! keria!

-tasuna! tasuna! tasuna!

olearso olearso

olearso festibala

arrakasta haundia

irribarre haundi batez

jende guztia



taldeak indartsu

ikusleak gartsu

hurrengo urtean

agertzerik baduzu

etorri ziur

etzazula galdu

petit poema en catala: gessami

Alla per on tu vas

esencia de gessami

i records de romani.

En el teus ulls... el futur.

En els teus suaus llavis... el desitg.

Estic presoner

a les ondulacions

dels teus cabells.

Porto oli d´oliva

per la teva ma ferida.

Paris je t´aime, pelikularen inguruan

Gaur pelikula polit hori ikusi dut, polita ta anitza. Zuzendari desberdinak 5na minutuko laburrak zuzentzen dituzte bertan.
Badira historia bitxiak ta orokorrean pelikula oso ikusteko atsegina da. Bertako pasarte bat eman dit oina gaurko blogerako.


Beste Frantzia

Bada beste Frantzia bat Parisen,

urrats bakoitza ematearekin bat ikusten duzuna.

Gazte etorkin iskanbilatsuena,

euren jazkera bereziarekin,

galtzerdi zuriak txandalaren gainetik dituztela.

Beltz jendearena. Euren janzkera koloretsuekin.

Hiphop-eroena. Edozein kale kantoi bihurtzen dutenak dantzaleku.

Artistena. Etxe okupetan bizi berriak sortzen dituztenak.


Espiral moduan

mundurantz zabaltzen den hiriak

bere ibilkeren buelta ikusi du.

Pobretutako herrialdeek

jasan zuten -jasaten duten-

aberastasun eta lehengai xurgatzearen ondoren

gure mendebaldeko kaleak betetzen dituzte.

-petrolioa ere etorkina da, baina hauxe ez da pateran iritsi-


Europa gaztelu bihurtu nahi duten horien aurrean,

bada errealitate bat gelditezina.

Horregatik ere, Paris je t´aime.

dardaren interpretazioa (liburutegia txukuntzen 2)

Gaur ez dut gauza askorik txukundu, baina konturatu naiz atzo ez nituela euskal literaturako liburuak komentatu. Izan ere, beste kutxatan gordeak egongo dira. Gaur bakarren batzuk jartzen juan naiz. Harkaitz Cano-ren Dardaren interpretazioa agertu da. Estimu haundian ditut bere liburuak. Bitxikerien artean Ibañeta Pastorala, kutixidadea. Jakin-ek egindako argitalpena da, 1978koa. Lagun batek zakarretan aurkitu zuen eta oparitu egin zidan. Gero agertzen juan dira Galdu arte, Juan Luis Zabalarena, 100 metro Saizarbitoriarena etabar. Badaukat ingelesezko bertsioa, 100 meter, Estatu Batuetan argitaratua. Liburutegia betetzen doa, baina nahiko poliki.

Pentsatzen jarri naiz. Euskal literatura gauza haundia da. Hala ere, faltan botatzen da beste herrialdeetan hain ohikoa den zinemaratzea, nahiz eta badiren adibide bakan batzuk.

Pentsatzen jarraitu dut. Nire euskal liburu gogokoena "Belarraren ahoa" da, Harkaitz Cano-rena, Hor nonbait ibiliko da. Historia fikzioan kokatzen da, XX. mendeko bi pertsonai elkarren ondoan jarriz. Ez dut gehiago esango. Hori irakurtzeko modukoa da.

Algunas aclaraciones sobre la alboca

Ez da ziria sartzearren gaurko titulua. Gauza da etxeko liburutegia txukuntzen ari naizela eta liburu bitxiak agertzen ari direla. Dena kendu ondoren ta gela goitik behera margotuta, azkenean izan dut tartea liburuak berriz jartzen hasteko.

Ez daukat liburutegi oso haundia. Badira aitarenak, asko kataluniako gaiak jorratuz (Ramon LLull-en Obra Guztiak batetik Pedrolo-ren literaturara, edo Vilanovaren -L´Econacionalisme- kasu ).

Gero badira neronek egiten joan naizen bilaketarenak. Mexikoko antropologiari buruzkoa adibidez, -El conejo en la cara de la luna-Alfredo Lopez Austin- oso liburua poetikoa eta sakona mesoamerikako herriei buruz. Edo oparitu didaten azkena, -Los nuevos vascones-Perez Bustero, gerturatze literario polita Euskal Herriko azken mendeko garapenera.

Ezin faltatuzkoa da euskal gaiei buruzko saila, -Mitologia Vasca-Barandiaran batetik, -The basque history of the world- batera, Mark Kurlanskyren lan txukun ta atsegina. Gero, ikasi nuen karrerari dagozkionak, historia jorratzen dutenak: Pierre Vilar-en -Historia de España-, edo bestelakoak. Azkenik, filosofiara gerturatzen direnak, ziuraski gustokoen ditudanak: Tecnologías del Yo -Michel Foucalt haundiarena, kasu.

Polita da liburuak berriz esku artean edukitzea, sentsazio atseginak dakartzate. Bestela, ahaztuta daude liburutegian. Baina, izenburuko titulura etorrita, -Algunas aclaraciones sobre la alboca- agian daukadan bitxienetakoa da. Behintzat izenburu polita iruditu zait.

Oker nago. Daukadan bitixiena Imanol Mugikaren -Teoria de la formación de las Lenguas, vista a la luz del Euzkera- izango da.

zura xura xira zira

zura xura shura xira zira sira sura ...

goxatzen goaz kantu berriak Zura-rekin. Entsegu lokalean sartuta ta grabatzeko data nahiko gainean, egia esan oso gustora ari gera lanean.

zura-ren disko berria nik uste harribitxi xamar izango dela, izan ere euskarazko bossanova doinuak ari gera lantzen. gauza agitz interesgarriak ari dira ateratzen, brasildar kantariekin lan egiteko aukera eta beste sorpresa asko. guzti horiek aurreraxeago jakingo dira, baina laguntzaile bezela jende berexia izango dugu.

horregatik nago bueltaka izenari, ez ote zen izango adibidez XURA izen aproposagoa bossanova disko batekin besapean agertzeko, brazilen adibidez...

zura xura... shura.... xira... zira... sira..... sura..... (jeje)

Wolobaf herrialdeko poesia

Wolobaf Afrika mendebaldean dagoen eskualdea da. Bertan bizi da Wolobaf herria, esaten dutenez saharauiar neolitikoaren ondare kuluturalak gordetzen dituen herria. Saharauiar neolitikoa "neo-lithos" garaian kokatu beharra dago- duela 8.500 urte inguru beraz-, Sahara desertua ohian berde eta urtsu bat zenean. Bertako arte parietalean zantzu asko aurkitu dira garai hartaz, baita duela gutxi bertaratutako euskal zientifikoen espedizioan ere. Horraino historia lezioa.

Wolobaf herriak bere ahozko literatura oso garatua du. Zenbait modu antzestral gordetzen ditu gauzak esateko, geroko zibilizazioek hitz eta eredu ugari ekarri badituzte ere euren hizkuntzara. Ez noa hemen luze ta zabal aritzera haien literaturaz, baizik eta deigarria egin zaidan ezaugarriaz: onomatopeiak eta erreduplikazioak.

Badago Wolobaf-tar hizkuntzan Kamu Ningi deitzen dieten poema zaharren tradizioa. Bertan errepikapenaren poderioz trantzea bilatzea dute helburu. Bertan euskarari oso berezkoak zaizkion erreduplikazioak aurkitzen ditugu, hitz beraren errepikapena kontzeptu bat adierazteko.

Kamu Ningi poema bat:

"Miaka-miaka,

gadef-gadef,

dara-dara,

dara-dara yef.

Miaka-miaka,

gadef-gadef,

dara-dara,

dara-dara yef."

Musika jaialdia Hondarribian

Hondarribiak aspalditik merezi zuen festibala izango du aurten. Izan ere, aspalditik dabil jende taldetxo bat Hondarribiko herri horren musikala denari jaialdi bat eskeintzeko asmoz. Aurten elkartu dira baldintzak festibal hori egiteko eta esan gabe doa jende guztia gonbidatuta dagoela. Euskal Herriko talde entzutetsu eta atzerriko beste zenbait are entzutetsuago bildu ditugu kartelean, denon gozagarri.

Argitu nahiko nuke, honekin batera, festibalaren ondotik dirutxo bat biltzen bada Hondarribia eta eskualdean iharduera kulturalak egiteko izango dela, eta ez ez dakit zer promotoraren poltsikoak betetzeko. Hortaz, animazte ta ongi pasa!!!!!

MAIATZAK 2-3, HONDARRIBIAN, HONDARTZAKO PARKINGEAN. 8 t´erdietatik aurrera.

diz-diz ta dar-dar

Nire gelara goxo sartu zinen

arrosa ta beltzez jantzita

bi begien dizdira

irriaren ñir-ñir bat

zurekin pasa ditut

azken egunak.


Urrutiko ohiartzunak,

horren gertu.

Gertutasunaren mugak,

horren urrun.


Goxotasun arazo

bat dugu hemen,

itsaso zabalaren

gainetikan etortzen.

Alisio haizeetan

nire muxua lotzen

bizitutako uneak

zuri dizkizut eskertzen.



Diz-diz ta dar-dar

neska honek zoratuta nauka.

hasieran hitza izandu zen

hasieran hitza izandu zen

hitzaren izerdia

itzasuaren itz-pitza

itz itz itz...

aire ta haize edukinez betea

izotza apurtuz hitz osoa... itzosua

kobazuloaren paretaren kontra

izateak bilduz

hitzaren ateak

itzasuaren izerdiaren izate osatuak, izotza garaituz hitzaren bitartez....

(the mind stills in the cave)

el derecho de vivir en paz

El derecho de vivir
poeta Ho Chi Minh
que golpea de Vietnam
a toda la humanidad
ningún cañón borrará
el surco de tu arrozal
el derecho de vivir en paz.

Indochina es el lugar
más allá del ancho mar
donde revienta la flor
con genocidio y napalm
la luna es una explosión
que funde todo el clamor
el derecho de vivir en paz.

Tío Ho, nuestra canción
es fuego de puro amor
es palomo-palomar
olivo del olivar
es el canto universal
cadena que hará triunfar
el derecho de vivir en paz.

iragarkiland

Etorkizuna margoztuko dizut, baina

drogarik gabe... atsedenik ez.

euskadi, etorri ta konta ezazu... baina

ezin dugu zugatik gidatu.

(zenbait folklore irudi tartean)

zezengorrik hegalak ematen dizkizu, baina

kotoiaren froga pasako al du

gugenheimek?

ta haizearen orraziak?


iragarkilandian iragarkiak droga dira

subkontzientearen bonbardaketa...

hondarribiko zumardian psylocibe jaia

triki, bertso, ta printzesa
herriko gatza ta piperra
hare krixna abeslari aldrebesa (aupa anjelmouse)
onyarbiko herrian egin dugu jai txol berezia

musika talde berriak gogoz
doinu berriak sortu asmoz
nagusiagoak begira
"joño fuerte datoz"

rockero, metalero ta punk-rockero ero
jende nahikotxo bildu da jaia ospatzeko
onyarbiko herrian
musikaren katea ez da etengo

ezpain-barraren elkarrizketak

ezpain-barraren elkarrizketak dira:

modernitatea

emakumea

islama

ezpain-barrak



(baktay-k ezpain barra darama

boligrafoaren ordez eskolara,

etzaio boligrafoa erosteko dirua iritsi,

eskolako neskak elkarri hasi dira ezpainak margotzen

irakaslea haserretu egin da)


-espainolak al gara ama?

-zergatik ba?

-ezpainak margotzen ditugulako?

Who are you, girl? Where did you come from?

Nor zara zu neska? nondik zatoz?

budha

-Jainkoarren... eskolara juan nahi dut, historio barregarriak ikasteko!

Senamendi

Senamendi

gizakiaren neurrira altxatutako mendia da.

Amatisten mendia deitzen zioten poetek.

Bidailaguna deitzen diot nik.

Senamendi.

uneguneak errepideetan barneratzeko prest

interesa agertua

uneguneak ote dagoen bukatua?

negua ta udaberria

tenore justua

uneguneak aurkezteko

nahi duzuen tokian

(gaztetxe, kultur etxe, tabernazulo.... )

proposamena idatzi besterik ez duzue:

atxofanifana@yahoo.es

uneguneak.... lehen kontzertua

atzo uneguneak aurkezten

jendia gustora txalotzen

giroa bikaina

poesia zabaltzen.


neguko eztulak

udaberriko kantak

bossanova galantak

naturako irudiak.


milesker etorri zineten guztioi.